Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 87 Hüküm no: 40 Orijinal metin no: [7b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa Bey b. Hamza Efendi’nin evini Seyyid Abdülkâdir Efendi Vakfı’na istiğlâl yoluyla sattığı Medîne-i merkūmede vâki‘ Mahmud Paşa câmi‘i kurbunda sâkin bulunan bevvâb-ı sultânî Mustafa Bey b. merhûm Hamza Efendi kendi nefsinden asâleten kız karındaşları Râziye ve Râbia bintey merhûm-ı mezbûr Hamza Efendi kıbellerinden husûs-ı âtîyi ikrâra vekâleti Mehmed b. Hasan ve İsmail b. Mehmed nâm kimesnelerin şehâdetleri ile sâbit olarak vekâleten şöyle ikrâr ve i‘tirâf etti ki, vekîl-i mezbûr asâleten ve vekâleten, medîne-i merkūmede vâki‘ merhûm Seyyid Abdülkādir Efendi vakfı’na mütevellî olan Hasan Efendi b. İbrahim nâm kimesneye menzili bey‘ etti. Mütevellî-i mezbûr da bâyi‘-i mezkûrun işbu akdin kendilerinden sâdır olana kadar sâhibi ve mâliki olduğu elinde ve taht-ı tasarrufunda bulundurduğu mahmiye-i Kostantıniyye sur kapılarından Eğri kapı hâricinde kâin bulunan ve bir tarafdan merhûm el-Hâc Hüsrev vakfı, iki tarafdan mekābir-i müslimîn, diğer tarafdan da tarîk-i âm ile mahdûd bulunan menzil-i mezbûrunu cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt on dört bin akçe-i Osmânî semen-i mu‘ayyen-i makbûz ile vakf-ı mezbûr malıyla ve istiğlâl için iştirâ etti. Bâyi‘-i mezbûrun menzil-i merkūmu kirâlamak istemesi üzerine müşterî-yi mezbûr ba‘de’t-tahliyye ve’t-tekābuz, zeyl-i kitâbda mezkûr târihden i‘tibâren üç sene tamâmına dört bin iki yüz akçe ücret-i kirâ mukābilinde menzil-i merkūmu icâreye verdi. Mütevellî-i mezbûr vâki‘ ikrârı vicâhen ve şifâhen tasdîk etti. Sonra satıcıların her biri, menzil-i mezbûrun diğer hissesinin derkine, ücret-i kirâya, asl-ı meblağ-ı merkūma diğerinin zimmetine îcâb ve kabûlü hâvî kefâletle kefîl oldu. Cerâ zâlike ve hurrire fî 12 min Saferi’l-hayr li târihi’l-mezbûr. Şuhûdü’l-hâl: El-Hâc Muharrem b. Ali, Mehmed Halîfe b. Hayreddin el-Müezzin, Mahmud Halîfe en-Nâzır, Abdurrahman Halîfe b. Ömer, Mehmed b. Hanefi, Mustafa b. Mehmed, Yakub b. Kurd, Perviz b. Pîrî ve gayruhüm mine’l-hâzırîn.