Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 165 Hüküm no: 125 Orijinal metin no: [16b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani v. Kosta’nın kirayla oturduğu vakıf evin yarısından izinsiz ferağ etmesinin uygun olmadığı Mahmiye-i İstanbul’da Abdi Subaşı mahallesi sâkinlerinden Yani v. Kosta nâm zimmî meclis-i şer‘-i hatîr-i lâzımü’t-tevkīrde Mihal v. Erihan zimmî muvâcehesinde takrîr-i da‘vâ edip mahrûse-i Galata’ya tâbi‘ kasaba-i Beşiktaş’da vâki‘ merhûm Sinan Paşa vakfı’ndan icâreteyn-i ma‘lûmeteyn ile tasarrufumda olan beynimizde ma‘lûmü’l-hudûd menzilimin nısfını târih-i kitâbdan iki sene mukaddem elli kıt‘a esedî guruş ile esedî yüz kırkar akçeye râyic olan üç bin akçe bedel-i makbûza ferâğ ve teslîm eylemiş idim, lâkin ferâğ-ı mezkûr izn-i mütevellî ile olmayıp ferâğ mu‘teber bulunmamağın suâl olunup bedel deyû verdiği meblağ-ı mezkûru alıp menzil-i mezbûru bana red ve teslîme mezbûr Mihal’e tenbîh olunmak matlûbumdur dedikde, gıbbe’s-suâl mezbûr Mihal kaziyye bâlâda şerh ve beyân olunduğu üzre olup ferâğ mu‘teber bulunmadığını bi tav‘ihî [17a] ikrâr etmeğin alâ mûcebi ikrârihî bedel deyû verdiği meblağ-ı mezkûru alıp menzil-i mezkûru müdde‘î-i mezbûr Yani’ye red ve teslîme mezbûr Mihal’e tenbîh olunmağın mâ vaka‘a bi’t-taleb ketb olundu. Fi’l-yevmi’s-sâbi‘ min Cemâziyelevvel li sene seb‘a ve seb‘în ve elf. Şuhûdü’l-hâl: Ali b. Abdullah, Abdi Çelebi b. Hüseyin, Baba Resul b. Rıdvan, İbrahim Çelebi b. Ahmed, Mehmed Bey b. Ramazan.