Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 91 Hüküm no: 46 Orijinal metin no: [8a-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed el-Ensârî Vakfı’nın alacağı için evin yarı hissesinin müzayede ile satıldığı Merhûm Mehmed el-Ensârî vakfı’na mütevellî olan Mehmed Çavuş b. Mustafa, meclis-i şer‘-i şerîfde tevliyye-i mahkiyesi hasebiyle menzilin yarı hissesini hâfız-ı hâze’l-kitâb fahrü’l-eşbâh Durak Bey b. Mehmed el-Cündî’ye bey‘ ettiğini ikrâr ve i‘tirâf etti. O da vilâyet-i Anadolu-i ma‘mûrede vâki‘ Erdebil hâricinde bundan akdem vefât eden Mustafa Beşe b. Parmaksız Ali’nin mülk-i mahzı olan ve medîne-i Ebâ Eyyûb el-Ensârî -radiye anhu Rabbühü’l-Bârî- mahallâtından Bıçakçı Ferhad mahallesinde kâin ve bir tarafdan Mehmed b. Mustafa mülkü, diğer tarafdan Emine Hâtun bt. ( ) mülkü, iki tarafdan da tarîk-i âm ile mahdûd bu menzilin nısf hissesini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt altı bin beş yüz akçe-i Osmânî semen-i mu‘ayyen-i makbûz ile nefsi için andan iştirâ etti îcâb ve kabûl, teslîm ve tesellümle akid tamâm oldu. Müşterî-i mezbûr vâki‘ ikrârı vicâhen ve şifâhen tasdîk etti. İşbu mubâya‘a, merhûm Mehmed el-Ensârî vakfının müteveffâ-yı mezbûr üzerinde sâbit olan asl-ı mâldan altı bin, nısf-ı menzilin icâresinden sekiz yüz akçe hakkının ödenmesi maksadıyla menzil-i mezbûrun sûk-ı sultânîde inkıtâ‘-ı ragabâta kadar müzâyede edilip müşterî-yi mezbûrda karâr kılmasıyla vâki‘ oldu. Cerâ zâlike ve hurrire fî 11 min Saferi’l-hayr li târihi’l-mezbûr. Şuhûdü’l-hâl: Halil Ağa b. Abdullah Ser-mehterân-ı alem, Receb Efendi b. Abdullah el-Müsta‘id, Rıdvan Efendi b. Abdullah, Süleyman Çelebi b. Sünbül el-Müezzin, Ali b. Abdullah, Mustafa b. Mehmed, Yusuf Çavuş b. Ali, Hasan Çelebi b. Mehmed, Mehmed b. Hasan, Yakub b. Kurd, Süleyman b. Turgud ve gayruhüm mine’l-hâzırîn.