Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 97 Hüküm no: 55 Orijinal metin no: [9a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mustafa b. Mehmed’in Turşucuzâde Hüseyin Çelebi Vakfı’na borcu olması Medîne-i Ebâ Eyyûb-i Ensârî -râdiye anhu Rabbühü’l-Bârî- tevâbi‘inden Hasköy mahallâtından merhûm Pîrî Paşa mahallesinde sâkin Mustafa b. Mehmed nâm kimesne meclis-i şer‘-i şerîfde merhûm Turşucuzâde Hüseyin Çelebi vakfı’na bi’l-fi‘l mütevellî olan Hüsrev b. Abdullah nâm kimesne mahzarında ikrâr ve takrîr-i kelâm edip zimmetimde vakf-ı mezbûr malından bin akçe cihet-i karzdan ve târih-i kitâb senesinde vâki‘ Muharremü’l-harâm’ın gurresinden üç sene tamâmına dek üç yüz akçe çuka bahâsından cem‘an bin üç yüz akçe deynim olup mukābelesinde silk-i mülkümde münselik ve münharıt bir Mushaf-ı şerîf ve bir kitâb mütevellî-i mezbûr Hüsrev’in yedinde rehn-i makbûzdur dedikde merkūm Mustafa’nın vech-i mübeyyen üzre cârî olan ikrâr ve takrîrin mütevellî-i mezbûr Hüsrev bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Hurrire fî evâsıtı Saferi’l-hayr li târihi’l-mezbûr. Şuhûdü’l-hâl: İbrahim b. Bâli el-İmâm, Musa b. İsmail, Mehmed el-Kâtib, Mahmud Halîfe b. Ali el-İmâm, Mustafa b. Mehmed, Yakub b. Kurd, Süleyman b. Turgud, Mehmed b. Hanefi, Perviz b. Abdullah ve gayruhüm mine’l-hâzırîn.