Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 98 Hüküm no: 57 Orijinal metin no: [9b-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Beşe b. Abdullah’ın evini Saçlı Emirzâde diye meşhur Seyyid Abdülkâdir Efendi Vakfı’na istiğlâl yoluyla sattığı Ahmed Beşe b. Abdullah nâm kimesne menzilini Saçlı Emirzâde deyû meşhûr merhûm Seyyid Abdülkādir Efendi vakfı’na mütevellî olan hâmil-i hâze’l-kitâb Hasan Efendi b. İbrahim’e bey‘ ettiğini ikrâr ve i‘tirâf etti. O da vakf-ı mezbûr malıyla ve istiğlâl için mezbûr Ahmed Beşe’nin iş bu akdin kendilerinden sudûruna kadar sâhibi ve mâliki olduğu elinde ve taht-ı tasarrufunda bulundurduğu mahmiye-i Kostantıniyye mahallâtından Tahtaminâre mahallesinde kâin olup bir tarafdan Fâtıma Hâtun bt. ( ) vakfı, iki tarafdan Rahime Hâtun bt. ( ) mülkü, diğer tarafdan da tarîk-i âm ile mahdûd olan menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt yirmi yedi bin akçe semen-i mu‘ayyen-i makbûzla andan iştirâ etti. Bâyi‘-i mezbûrun menzil-i merkūmu kirâlamak istemesi üzerine müşterî-yi mezbûr ba‘de’t-tahliyye ve’t-tekābuz, zeyilde mezkûr senenin gurre-i Rebî‘ulâhiri’nden bir sene tamâmına iki yüz akçe ücret-i kirâ mukābilinde menzil-i merkūmu icâreye verdi. Mütevellî-i mezbûr vâki‘ ikrârı vicâhen ve şifâhen tasdîk etti. Mukırr-ı mezbûrun karındaşı Mihal v. İstemad nâm zimmî, menzil-i mezbûrun derkine ve asl-ı meblağ-ı merkūma ve ücret-i kirâya îcâb ve kabûlü hâvî kefâletle kefîl oldu. Cerâ zâlike ve hurrire fî selhi Saferi’l-hayr sene tis‘a ve ışrîn ba‘de’l-elf. Şuhûdü’l-hâl: Kıdvetü’l-müderrisîn Hüsameddin Efendi, Mahmud Halîfe b. Yunus el-İmâm, Ali b. Abdurrahman el-Müezzin, Mehmed b. Abdülganî, Mahmud b. Aydın Solak, el-Hâc Arslan Bey b. Kurd er-Râcil, mevlânâ İbrahim Çelebi b. Mehmed Efendi, el-Hâc Mehmed b. Kurd, el-Hâc Mahmud b. Mustafa, Ali Dede b. Yusuf, Murad b. Hüseyin, Derviş b. Mehmed, Ebûbekir b. Sefer, Hüseyin b. Hamza el-Hallâc, es-Seyyid Mehmed b. es-Seyyid Mehmed, Mehmed b. Abdullah er-Râcil, Mehmed b. Mustafa, İbrahim Çelebi b. Şaban, Yakub b. Kurd, Baba Mustafa el-Câbî ve gayruhüm