Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 133 Hüküm no: 107 Orijinal metin no: [17b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rahime bt. Kasım’ın evini Ümmi Hâtun Vakfı’na istiğlâl yoluyla sattığı Medîne-i Ebâ Eyyûb el-Ensârî -radiye anhu Rabbühü’l-Bârî- mahallâtından Takyecibaşı mahallesinde sâkine olan zevcesi Rahime bt. Kasım nâm hâtun kıbelinden âtiyyü’z-zikr bey‘ ve istîcâr ikrârına vekâleti Bayram b. Uğurlu ve Ömer b. Hüseyin nâm kimesnelerin şehâdetleri ile sâbit olan Hüsam Efendi b. Abdurrahman nâm kimesne meclis-i şer‘-i şerîf ve mahfil-i dîn-i münîfde hâzır olup müvekkile-i mezbûresinin âtiyyü’z-zikr menzilini merhûme Ümmî Hâtun vakfı’na mütevellî olan hâmil-i hâze’l-kitâb Hızır b. Durmuş’a bey‘ ettiğini ikrâr ve i‘tirâf etti. Mütevellî-i mezbûr da vakf-ı mezbûr malıyla ve istiğlâl için mezbûre Rahime hâtunun işbu akdin sudûruna kadar sâhibi ve mâliki olduğu elinde ve taht-ı tasarrufunda bulundurduğu mahalle-i mezbûrede kâin olup iki tarafdan Fâtıma bt. Karagöz mülkü, diğer tarafdan Kâmile bt. Abdullah mülkü ve diğer tarafdan da tarîk-i âm ile mahdûd olan menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt altı bin akçe-i Osmânî semen-i mu‘ayyen-i makbûz ile andan iştirâ etti. Bâyi‘a-i mezbûrenin menzil-i merkūmu kirâlamak istemesi üzerine müşterî-yi mezbûr ba‘de’t-tahliyye ve’t-tekābuz, zeyilde mezkûr senenin gurre-i ( )inden bir sene tamâmına dokuz yüz akçe ücret-i kirâ mukābilinde menzil-i merkūmu icâreye verdi. Mütevellî-i mezbûr vâki‘ ikrârı vicâhen ve şifâhen tasdîk etti. Sonra Mehmed Efendi b. Hasan yalnız menzil-i mezbûrun derkine ve ücret-i kirâya, ayrıca müvekkile-i mezbûrenin zevci Hüsam Efendi b. Abdurrahman ve yine müvekkile-i mezbûrenin oğlu Abdülaziz b. Hüsam îcâb ve kabûlü hâvî kefâletle kefîl oldu. Cerâ zâlike ve hurrire fi’l-yevmi’t-tâsi‘ aşer min Rebî‘ilevvel sene tis‘a ve ışrîn ba‘de’l-elf. Şuhûdü’l-hâl: Ali Efendi b. Hasan el-İmâm, Ali b. Abdullah el-Hakkâk, Hasan b. Abdullah, Derviş b. Hızır, Mehmed b. Mustafa, Ali b. Abdullah, Mehmed b. Abdullah el-Müezzin, Ali b. Maksud, Mustafa Çelebi b. Hamza Efendi, Mehmed b. Şaban, Mehmed b. Abdülganî, Mehmed Bey b. el-Cündî Ömer Çelebi b. Hüseyin