Adalar Mahkemesi 1 Numaralı Sicil (H. 1178-1184 / M. 1764-1771) cilt: 75, sayfa: 115 Hüküm no: 128 Orijinal metin no: [30b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hüseyin Efendi’nin Kartal naipliğine tayin olunduğu Bede’tü Bismillâhirrahmânirrahîm Yâ Fettâh, yâ Rezzâk, yâ Ganî, yâ Müfettiha’l-ebvâb İftah lenâ hayrü’l-bâb. İzzet-meâb şerî‘at-nisâb Mevlânâ Hüseyin Efendi kâm-yâb. Ba‘de’t-tahiyyeti’l-vâfiye inhâ olunur ki Ber-vech-i mansûb umûr-ı şer‘iyesine memûr olduğum Üsküdar muzâfâtından Kartal kazâsının umûr-ı şer‘iyesi işbu sene isnâ ve semânîn ve mi’ete ve elf Recebi’l-mürecceb gurresinden kazâ-i mezbûr tarafımızdan cenâbınıza tefvîz ve sipâriş olunmuşdur gerekdir ki kazâ-i mezbûru gurre-i merkūmeden zabt edüp beyne’l-ahâlî icrâ-yı ahkâm-ı şer‘-i âlî eyleyüp beyne’l-verese bi’l-farîzati’ş-şer‘iye taksîmde ihtimâm edüp ve vâkı‘a olan mevtâ-yı askeriye muhallefâtını tahrîrden hâlî olmayup cadde-i şer‘-i mutahharadan ser-i mû inhirâf göstermeyesiz ve’s-selâm. Mine’l-fakīr Mehmed Arif el-Kādı bi-medîneti Üsküdar.