Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 138 Hüküm no: 115 Orijinal metin no: [18b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kiremitçi Süleyman Vakfı’nın müezzin ve cüzhânı olan Mustafa b. Sevindik’in vakıftan alacaklı olması Medîne-i Ebâ Eyyûb el-Ensârî’de Kiremidçi Süleyman evkāfı’na müezzin ve cüzhân olan Mustafa b. Sevindik [nâm] kimesne, mütevellî-i sâbık olan Mehmed b. Hızır nâm kimesne zamânında cânib-i vakfda yedi aylık vazîfem kalmışdı hâlâ vakf-ı mezbûra mütevellî olan Mustafa Çelebi b. Cafer nâm kimesne yedinden ki cem‘an bin altı yüz seksen akçeyi mezbûr müezzine cânib-i vakfdan mütevellî-i sâbık zamânında bir akçe ve bir habbe almayıp bi vechin min külli’l-vücûhi’ş-şer‘iyye cânib-i vakfa ibrâ eylemediğine yemîn teklîf olundukda ol dahi alâ vefki’l-mes’ûl yemîn billâhi’l-aliyyi’l-a‘lâ etmeğin meblağ-ı mezbûr mütevellî-i merkūmdan hükm olunup mâ hüve’l-vâki‘ bi’t-taleb ketb olundu. Hurrire fi’t-târihi’l-mezbûr. Şuhûdü’l-hâl: Yakub b. Kurd, Süleyman [b.] Turgud, Turgud b. Durak, Perviz [b.] Abdullah, Ali Ağa b. Abdullah mütevellî-i Vezir Cafer Paşa, Ali b. Abdullah, Abdurrahman [b.] Abdi.