Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 140 Hüküm no: 117 Orijinal metin no: [19a-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hondile bt. Aleksi’nin bağını Yakub Ağa Vakfı’na istiğlâl yoluyla sattığı Havâss-ı Aliyye tevâbi‘inden Küçük Halkalı karyesinde sâkine Hondile bt. Aleksi nâm nasrâniye meclis-i şer‘-i şerîfde -el-masûn ani’t-tağyîr ve’t-tahrîf- hâzıre olup âtiyyü’z-zikr üzüm bağını merhûm Yakub Ağa vakfı’na mütevellî olan hâmil-i hâze’l-kitâb bevvâb-ı sultânî Hasan Bey b. Abdullah nâm kimesneye bey‘ ettiğini ikrâr ve i‘tirâf etti. Mütevellî-i mezbûr da vakf-ı mezbûr malıyla ve istiğlâl için mezbûrenin işbu akdin sudûruna kadar sâhibi ve mâliki olduğu elinde ve taht-ı tasarrufunda bulundurduğu karye-i mezbûrede kâin olup bir tarafdan Baba Yani bağı, diğer tarafdan Seburye? v. ( ) bağı, öbür tarafdan Yorgi v. ( ) bağı ve diğer tarafdan da Apostol v. ( ) arâzisi ile mahdûd olan bağını cümle tevâbi‘ ve levâhıkı ile râyicü’l-vakt iki bin akçe-i Osmânî semen-i mu‘ayyen-i makbûz ile andan iştirâ etti. Bâyi‘a-i mezbûrenin menzil-i merkūmu kirâlamak istemesi üzerine müşterî-yi mezbûr ba‘de’t-tahliyye ve’t-tekābuz, zeyilde mezkûr senenin gurre-i Ramazân-ı mübârekinden bir sene tamâmına yüz beş akçe ücret-i kirâ mukābilinde mezbûr bağı icâreye verdi. Mütevellî-i mezbûr vâki‘ ikrârı vicâhen ve şifâhen tasdîk etti. Sonra bâyi‘a-i mezbûrenin karındaşı Mehmed b. Abdullah mezbûr bağın derkine ve asl-ı meblağ-ı mezbûra ve ücret-i merkūmeye îcâb ve kabûlü hâvî kefâletle kefîl oldu. Cerâ zâlike ve hurrire fi’l-yevmi’l-ışrîn min Rebî‘ilevvel sene tis‘a ve ışrîn ve elf. Şuhûdü’l-hâl: Bayram Efendi b. Şükrullah el-Hatîb, Mehmed Halîfe b. el-İmâm, Hüseyin Çelebi b. Ramazan el-Müezzin, Mustafa b. Mehmed ve gayruhüm