Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 155 Hüküm no: 138 Orijinal metin no: [22b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hayim v. Yasef’in alacağının Manol v. Podyolor’dan tahsil olunması Mahmiye-i Kostantıniyye sâkinlerinden olup Kirüz cemâ‘atinden Hayim v. Yasef nâm yahudi meclis-i şer‘-i şerîfde Havâss-ı Aliyye müzâfâtından kasaba-i Midye sâkinlerinden Manol v. Podyolor nâm zimmî ihzâr ve üzerine takrîr-i da‘vâ edip mezbûr mal zimmetinde karz-ı şer‘îden on bin akçe ve çuka bahâsından üç bin akçe deynim vardı ve lâkin yine kasaba-i merkūme sâkinlerinden Toma v. Marino nâm zimmî meblağ-ı mezbûr[a] kefîl olmağın kefâleti hasebiyle benden bi’t-tamâm ahz eyledi dedikde mezbûr Hayim meblağ-ı mezbûrun kendiye vusûlün bi’l-külliyye münkir olıcak merkūm Manol’den meblağ-ı mezbûr on üç bin akçeyi kefîl-i merkūm Toma mezbûr Hayim’e teslîm eylediğine beyyine taleb olundukda ityân-ı beyyineden izhâr-ı acz olup istihlâf ettikde merkūm Hayim meblağ-ı mezbûrdan küllen ve ba‘zan kendiye bir şey vâsıl olmadığına yemîn billâhi’llezî enzele’t-Tevrâte alâ Musa -aleyhi’s-selâm- etmeğin meblağ-ı mezbûrun edâsına mezbûr Manol’e tenbîh olunup mâ hüve’l-vâki‘ bi’t-taleb ketb olundu. Hurrire fi’t-târihi’l-mezbûr. Şuhûdü’l-hâl: Mustafa b. Hasan Muhtesib, Süleyman b. Turgud, Ali b. Abdullah ve gayruhüm.