Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 155 Hüküm no: 139 Orijinal metin no: [22b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Haydar v. Oruc’un bağını Hasan Bey b. Abdurrahman’a satması Mahmiye-i Kostantıniyye mahallâtından İmrahor mahallesi sâkinlerinden Haydar v. Oruc meclis-i şer‘-i şerîf-i lâzımü’t-teşrîfde işbu hâmil-i hâze’l-kitâb Hasan Bey b. Abdurrahman nâm bevvâb-ı sultânî muvâcehesinde bi’t-tav‘ ve’r-rızâ ikrâr ve takrîr-i kelâm edip Yedikule kurbunda Selhâne nâm mevzi‘de vâki‘ bir cânibi mezbûr Hasan Bey tarlasına ve iki cânibi Sinan v. Bayram ve iki cânibi Arslan v. Sülük tarlalarına müntehî on dönüm yılda yüz elli akçe mukāta‘alı bağımı merkūm Hasan Bey’e dört bin nakd-i râyic fi’l-vakt akçeye bey‘ edip kabz-ı semen eyledim ve teslîm-i mebî‘-i mahdûd eyledim ba‘de’l-yevm zikr olunan bağ-ı mezbûr Hasan Bey’in mülk-i müşterâsıdır keyfe mâ yeşâ ve yahtâr mutasarrıf olsun dedikde mukırr-ı mezbûrun vech-i mübeyyen üzre cârî olan ikrâr ve takrîrin el-mukarru lehü’l-merkūm Hasan Bey bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Hurrire fi’l-yevmi’l-âşir min Rebî‘ilevvel li sene 1029. Şuhûdü’l-hâl: Yusuf Çelebi b. Hasan, Mustafa Çelebi b. ( ), Ahmed Çelebi b. Mehmed, diğer Ahmed Çelebi b. Ali, Süleyman b. Turgud.