Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 161 Hüküm no: 148 Orijinal metin no: [24a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ayşe bt. Abdullah’ın evini Hâce Hayreddin Vakfı’na istiğlâl yoluyla sattığı Medîne-i Ebâ Eyyûb el-Ensârî -radiye anhu Rabbühü’l-Bârî- mahallâtından Takyecibaşı mahallesinde sâkine olan Ayşe bt. Abdullah nâm hâtun meclis-i şer‘-i şerîfde hâzıre olup menzilini merhûm Hâce Hayreddin vakfı’na mütevellî olan hâmil-i hâze’l-kitâb Abdurrahman b. Bedreddin’e bey‘ ettiğini ikrâr ve i‘tirâf etti. Mütevellî-i mezbûr da vakf-ı mezbûr malıyla ve istiğlâl için mezbûre Ayşe hâtunun işbu akdin sudûruna kadar sâhibi ve mâliki olduğu elinde ve taht-ı tasarrufunda bulundurduğu mahalle-i mezbûrede vâki‘ olup bir tarafdan Mustafa b. Abdullah mülkü, diğer tarafdan Sitti bt. ( ) mülkü, öbür tarafdan Şaban Beşe b. ( ) mülkü ve diğer tarafdan da tarîk-i âm ile mahdûd olan menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt sekiz bin akçe-i Osmânî semen-i mu‘ayyen-i makbûzla iştirâ etti. Mezbûre Ayşe hâtunun menzil-i merkūmu kirâlamak istemesi üzerine müşterî-yi mezbûr ba‘de’t-tahliyye ve’t-tekābuz 928 senesi gurre-i Şaban-ı mu‘azzamından üç sene tamâmına üç bin akçe ücret-i kirâ mukābilinde menzil-i merkūmu icâreye verdi. Mütevellî-i mezbûr vâki‘ ikrârı vicâhen ve şifâhen tasdîk etti. Sonra Ramazan b. Durmuş nâm kimesne menzil-i mezbûrun derkine ve asl-ı meblağ-ı mersûma ve ücret-i merkūmeye îcâb ve kabûlü hâvî kefâletle kefîl oldu. Cerâ zâlike fi’l-yevmi’s-sâdis min Rebî‘ilâhir li târihi’l-mezbûr. Şuhûdü’l-hâl: Sinan Efendi b. Mustafa, Murtaza b. Mehmed, Yusuf b. Abdullah, Seyyid Muharrem Çelebi b. Ali, Mustafa b. Mehmed, Ramazan b. Durmuş, Ali b. Abdullah, Süleyman b. Turgud, Yakub b. Kurd