Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 164 Hüküm no: 152 Orijinal metin no: [24b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Avraham v. İsak’ın alacağını tahsil edip rehin aldığı menzilini Zeyni bt. Kemal’e iade etmesi Mahmiye-i Kostantıniyye’de Kirüz cemâ‘atinden olup medîne-i Ebâ Eyyûb-i Ensârî -râdiye anhu Rabbühü’l-Bârî- tevâbi‘inden Hasköy sâkinlerinden Avraham v. İsak nâm yahudi meclis-i şer‘-i hatîr-i lâzımü’t-tevkīrde yine karye-i merkūme sâkinelerinden Zeyni bt. Kemal nâm nasrâniye muvâcehesinde bi’t-tav‘ ve’r-rızâ ikrâr ve takrîr-i kelâm edip bundan akdem merkūme Zeyni benden bi tarîki’l-karzi’ş-şer‘î otuz bin nakd-i râyic fi’l-vakt akçe alıp mukābele-i meblağ-ı mezbûrda karye-i merkūme hud[ûdunda] iki tarafdan Yakob v. Serahi mülküne ve bir tarafdan tarîk-i âma müntehî mülk menzilden sülüs hisse-i şer‘iyye-i şâyi‘asını rehin vaz‘ eylemişdi el-hâletü hâzihî merkūme Zeyni yedinden ol nakd-i mezbûrü’n-na‘t akçeyi bi’t-tamâm ve’l-kemâl ahz ve kabz edip fekk-i rehin eyledim dedikde mukırr-ı mezbûrun vech-i meşrûh üzre cârî olan ikrâr ve takrîrin el-mukarru lehü’l-mezbûr Zeyni vicâhen ve şifâhen tasdîk edicek mâ hüve’l-vâki‘ gıbbe’l-ibtigā sebt olundu. Hurrire fi’t-târihi’l-mezbûr. Şuhûdü’l-hâl: es-Sâbıkūn.