Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 173 Hüküm no: 136 Orijinal metin no: [18a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ümmühani bt. Mehmed’in, Sefer Beşe b. Ahmed’den muhâlaa yoluyla boşandığı Muhâla‘a Mahmiye-i İstanbul’da Sinan Paşa mahallesinde sâkine Ümmühâni bt. Mehmed nâm hâtun meclis-i şer‘-i hatîr-i lâzımü’t-tevkīrde zevci râfi‘ü’l-kitâb Sefer Beşe b. Ahmed nâm kimesne mahzarında bi tav‘ihâ ikrâr ve takrîr-i kelâm edip zevcim mezbûr Sefer Beşe zimmetinde mütekarrir ve ma‘kūdun-aleyh olan beş bin akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre ve kendi malımdan mezbûr Sefer Beşe’ye iki bin akçe def‘ ve teslîm edip bedel-i hul‘ olmak üzre mezbûr Sefer Beşe ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl eyledikden sonra zevciyyete müte‘allika da‘vâdan her birimiz âharın zimmetini ibrâ-i âmm-ı kātı‘ü’n-nizâ‘ ile ibrâ ve iskāt eyledik dedikde gıbbe’t-tasdîk mâ vaka‘a bi’t-taleb ketb olundu. Fi’l-yevmi’t-tâsi‘ aşer min Cumâdelûlâ li sene seb‘a ve seb‘în ve elf. Şuhûdü’l-hâl: Bektaş Bey b. Yusuf, İsa Bey b. Abdullah, Osman Bey b. Hasan, Kurd Beşe b. Nuh.