Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 181 Hüküm no: 175 Orijinal metin no: [25(2)b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Paroş v. Niko adlı zimmînin karısını talâk-ı selâse ile boşadığı Medîne-i Ebâ Eyyûb-i Ensârî -radiye anhu Rabbühü’l-Bârî- mahallâtından İslâm Bey mahallesinde sâkin olan Paroş v. Niko nâm zimmî meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- hâzır olup hâmile-i hâze’l-kitâb Kabaneh bt. Dimo nâm Nâsrâniye zevcesini, nikâhında ma‘kūdun aleyh olan râyicü’l-vakt üç yüz akçe-i Osmanî mikdârındaki mehr-i müeccelini ve aralarında ma‘lûm iddet nafakasını kendisine ödeyip teslim ettikden sonra talâk-ı selâse ile tatlîk eylediğini ikrâr ve i‘tirâf etti. Zevce-i mezbûre de mutallık-ı merkūmun yedinden meblağ-ı mezkûru teslim aldı. Zevce-i mezbûre bu sûretle zevc-i âharla akd-i nikâh eylemeden zevc-i sâbıkına helâl olmayacak şekilde andan ayrılmış, mutallaka olmuş oldu. Vâki‘ ikrâr nasrâniye-i mezbûre tarafından vicâhen ve şifâhen tasdîk edildi. Sonra her biri cemî‘-i de‘âvî, mutâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike ve hurrire fi’l-yevmi’s-sânî min Cumâdelûlâ li târihi’l-mezbûr. Şuhûdü’l-hâl: Mustafa b. Mehmed, Ahmed b. Murad, Ali b. Abdullah, Musli b. Hasan, Foti v. İstalu, Yani v. Dimo, Simo v. Yorgo, Yani v. Dimo ve gayruhüm mine’l-hâzırîn.