Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 182 Hüküm no: 176 Orijinal metin no: [26(2)a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Merhum Ali Bey’in oturduğu vakıf menzilin Sefer Dede b. Veli’ye tahsis olunduğu (…) merhûme (…) Hâtun vakfı (…) nâm kimesneye ba‘de vefâtihî beher leyl üç İhlâs (…) rûh-ı vâkıfeye hibe etmek şartıyla sulehâdan (…) menzilde sâkin olan merhûme Emine’nin zevci mezbûr Ali Bey hâlâ fevt olup yeri mahlûl kalmağın yerine işbu hâfız-ı hâze’l-kitâb fahrü’s-sulehâ Sefer Dede b. Veli nâm kimesne her vechile evlâ ve ahrâ olup süknâya küllî ihtiyâc ile muhtâc olduğu müte‘ayyin ve sâlih ve dindâr ve mütedeyyin olmağın menzil-i mezbû[r], mezbûra tevcîh olunup işbu hurûf ber sebîli’t-temessük ketb ve imlâ ve tahrîr-i inşâ olunup yed-i tâlibe def‘ ve vaz‘ olundu. Hurrire fi’l-yevmi’l-hâdî aşer min Cumâdelûlâ li târihi’l-mezbûr. Şuhûdü’l-hâl: Mustafa b. Mehmed, Ali b. Abdullah, Perviz b. Abdullah, Süleyman b. Turgud, Yakub b. Kurd ve gayruhüm.