Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 182 Hüküm no: 177 Orijinal metin no: [26(2)a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bayram Beşe b. Süleyman’ın kölesi Kasım’ı azat eylediği Vilâyet-i Rumeli’nde Ohri Sancağı’nda İstarova kazâsına tâbi‘ Harşenek nâm karyeden olup hâlâ mahmiye-i Kostantıniyye’de Unkapanı kurbunda Üskübî mahallesinde sâkin olan Dergâh-ı âlî yeniçerilerinden fahrü’l-akrân Bayram Beşe b. Süleyman nâm râcil meclis-i şer‘-i hatîr-i lâzımü’t-tevkīrde hâzır olup takrîr-i kelâm edip karye-i mezbûrede vâki‘ çiftliğimde hâlâ sâkin olan işbu hâfızü’l-kitâb orta boylu sarışın gök gözlü Rûsiyyü’l-asl Kasım b. Abdullah nâm abd-i memlûkümü târih-i kitâbdan iki sene mukaddem âzâd eyledim ba‘de’l-yevm abd-ı mârrü’l-ism mezbûr Kasım sâir ahrâr-ı müslimîn gibi hür olsun dedikde işbu hurûf bi’t-taleb ketb olunup yed-i tâlibe def‘ ve vaz‘ olundu ki vakt-i hâcetde ibrâz edip ihticâc edine. Hurrire fi’l-yevmi’s-sâdis min şehri Cumâdelûlâ li sene tis‘a ve ışrîn ba‘de’l-elf. Şuhûdü’l-hâl: Sinan Beşe b. Hızır, Osman Beşe b. İlyas, Kasım b. Abdullah, Ali Beşe [b.] Hamza.