Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 175 Hüküm no: 139 Orijinal metin no: [18b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hasan Beşe b. Mustafa’nın buğday bahasından Ahmed Çelebi b. Ali’de alacağı olduğu İkrâr-ı deyn Navluncu tâifesinden Hasan Beşe b. Mustafa nâm kimesne meclis-i şer‘-i hatîr-i lâzımü’t-tevkīrde Ahmed Çelebi b. Ali nâm kimesne mahzarında üzerine da‘vâ ve takrîr-i kelâm edip merkūm Ahmed Çelebi zimmetinde yedimden müşterâ ve makbûz beher keyli otuz beşer akçeye olmak üzre iki yüz üç keyl buğday bahâsından cem‘an yedi bin üç yüz akçe hakkım olup hâlâ meblağ-ı mezbûru taleb ettiğimde vermede ta‘annüd eder suâl olunup meblağ-ı mezbûrûn alıverilmesi matlûbumdur dedikde, gıbbe’s-suâl merkūm Ahmed Çelebi cevâbında fi’l-vâki‘ müdde‘î-i merkūm Hasan Beşe’ye cihet-i merkūmeden zimmetimde yedi bin üç yüz akçe deynim vardır deyû bi tav‘ihî ikrâr ve i‘tirâf etmeğin mûcebince meblağ-ı mezbûr yedi bin üç yüz akçeyi müdde‘î-i mezbûr Hasan Beşe’ye edâ ve teslîme mezbûr Ahmed Beşe’ye tenbîh birle mâ vaka‘a bi’t-taleb ketb olundu. Fi’l-yevmi’t-tâsi‘ aşer min Cumâdelûlâ li sene seb‘a ve seb‘în ve elf Şuhûdü’l-hâl: Şükrullah Bey b. Mustafa, Abdi Çelebi b. Hüseyin, Resul b. Rıdvan, Hasan Çelebi b. Ahmed.