Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 175 Hüküm no: 140 Orijinal metin no: [18b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Maryem bt. Avanos’un, Haçador’daki alacak davasında sulh olduğu Mahmiye-i İstanbul hısn-ı ebvâbından Kumkapı dâhilinde Nişancı Paşa mahallesi sâkinelerinden Maryem bt. Avanos nâm nasrâniye meclis-i şer‘-i şerîf-i lâzımü’t-teşrîfde Papa Haçador v. Sagar nâm zimmî muvâcehesinde ikrâr ve takrîr-i kelâm edip bundan akdem mezbûr Papa Haçador’dan zimmetinde cihet-i karz-ı şer‘îden elli esedî guruş hakkım vardır deyû da‘vâ ettikde ol dahi inkâr etmekle beynimizde münâza‘ât-ı kesîre vukū‘undan sonra muslihûn tavassut edip beynimizde on beş esedî guruş üzerine inşâ-i akd-i sulh ettiklerinde ben dahi sulh-i mezbûru kabûl ve bedel-i sulh olan meblağ-ı mezbûr on beş esedî guruşu mezbûr Papa Haçador yedinden tamâmen ahz u kabz edip husûs-ı mezbûra müte‘allika da‘vâ ve mütâlebât ve eymân ve muhâsamâtdan merkūm Papa Haçador’un zimmetini ibrâ-i [ve iskāt] eyledim dedikde gıbbe’t-tasdîk mâ vaka‘a bi’t-taleb ketb olundu. Fi’l-yevmi’s-sânî min Cemâziyelevvel li sene seb‘a ve seb‘în ve elf. Şuhûdü’l-hâl: Şükrullah Bey b. Mustafa, İbrahim Çelebi b. Ahmed, Hasan Çelebi b. Ahmed, Mustafa Çelebi b. Ahmed.