Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 186 Hüküm no: 183 Orijinal metin no: [27(2)a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Andriya’nın rehin aldığı bağ karşılığında (…)’ye verdiği borcunu tahsil ettiği (…) [meclis-i şer‘-i hatîr-i] lâzımü’t-tevkīrde işbu hâmil-i hâze’l-kitâb (…) bi’t-tav‘ ve’r-rızâ ikrâr ve takrîr-i kelâm edip bundan akdem (…) olan Andriye nâm zimmîye bi tarîki’l-mu‘âmele üç bin nakd-i fıddî-i [Osmânî râyic] fi’l-vakt akçe verip mu‘âmele-i meblağ-ı mersûmda Havâss-ı Aliyye kazâsı müzâfâtından Küçükçekmece’ye tâbi‘ Menekşe nâm karyede vâki‘ lede’l-ahâlî ma‘lûme’l-hudûd bir kıt‘a mülk bağını rehin vaz‘ eylemişidi hâlâ hâlik-i mezbûrun kızına kıbel-i şer‘den vasî olan mezbûr Todori yedinden meblağ-ı mezbûr üç bin akçeyi ve murâbahasını bi’t-tamâm ve’l-kemâl ahz ü kabz edip fekk-i rehin eyledim dediği kayd-i sicil olundu. Hurrire fi’l-yevmi’t-târihi’l-mezbûr. Şuhûdü’l-hâl: Mustafa b. Mehmed, Yakub [b.] Kurd. Ali b. Abdullah, Süleyman b. Turgud, Yakub [b.] Kurd ve gayruhüm.