Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 187 Hüküm no: 185 Orijinal metin no: [27(2)a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Rika ve Panayot v. İstemad’ın mülk bağlarını Abdi Dede b. Abdullah’a sattıkları Havâss-ı Aliyye kazâsı müzâfâtından Vidoz nâm karye sâkinlerinden Rika ve Panayot v. İstemad nâm zimmîler meclis-i şer‘-i şerîfde işbu hâmil-i hâze’l-kitâb Abdi Dede b. Abdullah mahzarında her biri ikrâr ve takrîr-i kelâm edip karye-i mezbûre kurbunda vâki‘ bir tarafdan Ayşe bt. ( ) bağına ve üç tarafdan beylik bağa müntehî bir kıt‘a on dönüm mülk bağımızı mezbûr Abdi Dede’ye bin yüz nakd-i fıddî-i Osmânî râyic fi’l-vakt akçeye bey‘-i bâtt-ı sahîh-i şer‘î ile bey‘ edip kabz-ı semen ve teslîm-i mebî‘-i mahdûd kıldık ba‘de’l-yevm sâlifü’l-beyân bâğ-ı merkūm Abdi Dede’nin mülk-i müşterâ-yı sarîhidir keyfe mâ yeşâ ve yahtâr mutasarrıf olsun dedikde mukırrân-ı mezbûrânın vech-i mübeyyen üzre cârî olan ikrâr ve takrîrlerin el-mukarru lehü’l-mezbûr Abdi tasdîk edicek mâ hüve’l-vâki‘ bi’t-taleb ketb olundu. Şuhûdü’l-hâl: El-Hâc Hamza [b.] Abdi, Yusuf b. Abdullah, Şaban Efendi el-İmâm, Yusuf Usta, Ali b. Abdullah, Şaban b. Mehmed.