Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 188 Hüküm no: 187 Orijinal metin no: [27(2)b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Andriye v. İstavrinoz’un bağının küçük kızının vasisi tarafından Todora’ya satıldığı Havâss-ı Aliyye kazâsı (…) akdem hâlik olan Andriye v. İstavrinoz nâm (…) olup sagīre-i mezbûrenin kıbel-i şer‘den mansûb (…) [meclis-i] şer‘-i hatîr-i lâzımü’t-tevkīrde işbu hâmil-i hâze’l-kitâb Teodora bt. (…) bi’l-vesâye ikrâr ve takrîr-i kelâm edip müteveffâ-yı mezbûrun terekesinden olup karye-i merkūme bağları [dâhilinde] vâki‘ bir tarafdan yine benim bağıma ve bir tarafdan Yorgi Kasap bağına ve bir tarafdan Yani Lika bağına ve bir tarafdan Yani v. İstemad bağına müntehî olup sagīre-i mezbûreye bi hasebi’l-irsi’ş-şer‘î intikāl eden tahmînen üç dönüm bir kıt‘a mülk bağını hâlik-i mezbûrun zimetini ve sagīre-i merkūmenin zarûret-i nafakası için ba‘de’l-müzâyedeti’ş-şer‘iyye vesâyet-i mahkiyem hasebiyle mezbûre Teodora’ya dört bin nakd-i fıddî-i Osmânî râyic fi’l-vakt akçeye bâtten bey‘ edip kabz-ı semen ve teslîm-i müsemmen kıldım dediği mâ hüve’l-vâki‘ bi’t-taleb ketb olundu. Hurrire fi’t-târihi’l-mezbûr. Şuhûdü’l-hâl: Yusuf Efendi b. Mustafa el-İmâm, Murtaza Halife b. Mehmed, İvaz Halife b. Hüseyin el-Kayyım, Ali Beşe b. Abdullah, Mustafa b. Ömer, Mustafa b. Mehmed, Ali b. Abdullah, Mustafa b. Yusuf ve gayruhüm mine’l-hâzırîn.