Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 190 Hüküm no: 189 Orijinal metin no: [28a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Saliha Hatun’un eski kocası Hasan Bey b. Seyfullah’dan mehir ve nafaka alacağını tahsil ettiği (…) Sâliha Hâtun bt. (…) olan Hasan Bey b. Seyfullah tarafından husûs-ı (…) nehc-i mu‘teber üzre vekâleti sâbite olan fahrü’l-akrân (…) er-Râcil mahzarında takrîr-i kelâm edip zevc-i mutallıkım olan mezbûr Hasan Bey zimmetinde mehr-i müeccelimden ve nafaka-i iddetimden cem‘an iki bin üç yüz akçe hakkım vardı el-hâletü hâzihî meblağ-ı mezbûru bi’t-tamâm ve’l-kemâl vekîl-i mezbûr Hasan Beşe yedinden ahz ü kabz eyledim bir akçe ve bir habbe hakkım bâkī kalmadı dedikde mukırre-i mezbûreyi ikrâr-ı meşrûhunda vekîl-i mezbûr Hasan Beşe vicâhen tasdîk ve şifâhen tahkīk edicek mâ hüve’l-vâki‘ bi’t-taleb ketb olundu. Hurrire fi’l-yevmi’l-ışrîn min şehri Cumâdelûlâ li sene tis‘a ve ışrîn ve elf. Şuhûdü’l-hâl: Mehmed Efendi b. Hayreddin el-İmâm, Mustafa b. ( ) el-Müezzin, es-Seyyid Mehmed b. Numan, Durak Bey el-Cündi, Ali Beşe b. Ömer, İbrahim b. Ali.