Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 209 Hüküm no: 216 Orijinal metin no: [32b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yahya Çavuş b. Mehmed’in Mustafa Efendi Vakfı’ndan ödünç aldığı (…) kurbundaki Ali Paşa mahallesinde sâkin olan Yahya Çavuş b. Mehmed, üzerinde ve zimmetinde mütevellîsi el-Hâc Receb b. Yunus ile yaptığı mu‘âmele ile merhûm Mustafa Efendi vakfı’na on bir bin iki yüz akçe borcu olduğunu ikrâr ve i‘tirâf etti. Bunun on bir bin akçesi karz cihetinden, bâkīsi ise cins ve rengi beynlerinde ma‘lûm olan müşterâ-yı makbûz çuka bahâsındandır. Karz dışındaki mikdâr zeyilde mezbûr ayın gurresinden bir sene tamâmına müecceldir. Lâzımü’l-edâ ve vâcibü’l-kazâ deyni olarak ikrâr etti. Mütevellî-i mezbûr vâki‘ ikrârı vicâhen ve şifâhen tasdîk etti. Sonra mahalle-i mezbûre sükkânından ve Mesinye? cemâ‘atinden Bâli v. Yako nâm yahudi ve mahmiye-i Kostantıniyye’de vâki‘ Tekfur sarayı kurbunda sâkin olan Andon v. Salamon nâm yahudi cemî‘-i meblağ-ı mezbûra îcâb ve kabûlü hâvî kefâletle kefîl oldu. Cerâ zâlike ve hurrire fi’l-yevmi’s-sâlis li târihi’l-mezbûr. Şuhûdü’l-hâl: El-Hâc Ahmed b. İbrahim el-Kâtib, Veli Halîfe b. Abdullah, Hüseyin b. Sefer, Mustafa b. Hasan, Musa b. Mustafa, Halil b. Mehmed, İsmail b. Menteş, Perviz b. Abdullah ve gayruhüm mine’l-hâzırîn.