Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 241 Hüküm no: 267 Orijinal metin no: [40a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Abdullah’ın evini Rüstem Paşa Vakfı’na istiğlâl yoluyla sattığı Mehmed b. Abdullah, meclis-i şer‘-i şerîfde âtiyyü’z-zikr menzilini merhûm Rüstem Paşa vakfı’na mütevellî olan hâfız-ı hâze’l-kitâb Halil b. Yunus nâm kimesneye bey‘ ettiğini ikrâr ve i‘tirâf etti. Mütevellî-i mezbûr da vakf-ı mezbûr malıyla ve istiğlâl için mezbûr Mehmed’in işbu akdin sudûruna kadar sâhibi ve mâliki olduğu elinde ve taht-ı tasarrufunda bulundurduğu medîne-i Ebâ Eyyûb el-Ensârî-radiye anhu Rabbühü’l-Bâri- mahallâtından Server mahallesinde vâki‘ olup bir tarafdan Hüsrev b. Hızır mülkü, diğer tarafdan Emine bt. Ali mülkü, öbür tarafdan Kamer Hâtun bt. Abdullah mülkü ve diğer tarafdan da tarîk-i âm ile mahdûd olan menzilini cümle tevâbi‘ ve levâhıkı ve kâffe-i menâfi‘ ve merâfıkı ile râyicü’l-vakt yedi bin akçe-i Osmânî semen-i mu‘ayyen-i makbûz ile iştirâ etti. Mezbûr Mehmed’in menzil-i merkūmu kirâlamak istemesi üzerine müşterî-yi mezbûr ba‘de’t-tahliyye ve’t-tekābuz, 928 senesi gurre-i Ramazân-ı mübârekinden bir sene tamâmına yedi yüz akçe ücret-i kirâ mukābilinde menzil-i merkūmu icâreye verdi. Mütevellî-i mezbûr vâki‘ ikrârı vicâhen ve şifâhen tasdîk etti. Cerâ zâlike ve hurrire fi’t-târihi’l-mezbûr. Şuhûdü’l-hâl: es-Sâbıkūn