Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 260 Hüküm no: 294 Orijinal metin no: [44b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi v. Todoro’nun menzilini Yorgi v. Nikola’ya satması Vilâyet-i Rumeli’nde Mora sancağında Mizistre kazâsına tâbi‘ Perestoz nâm karye sâkinlerinden Yorgi v. Todoro nâm zimmî meclis-i şer‘de işbu hâmil-i hâze’l-kitâb Yorgi v. Nikola nâm zimmî mahzarında bi’t-tav‘ ve’r-rızâ ikrâr ve takrîr-i kelâm edip karye-i merkūmede vâki‘ bir tarafdan Nikola v. Pora mülküne ve bir tarafdan diğer Nikola v. Pora mülküne ve iki tarafdan tarîk-i âma müntehî [ve mahdûd] bir tahtânî beyti ve muhavvatayı müştemil mülk menzilimi cümle-i tevâbi‘iyle mezbûr Yorgi’ye üç bin nakd-i fıddî-i Osmânî râyic fi’l-vakt akçeye bâtten bey‘ ve kabz-ı semen edip mebî‘-i mezbûru mahallinde kabza müşterî-i merkūmu taslît eyledim dedikde mukırr-ı mezbûrun ikrârını merkūm Yorgi vicâhen tasdîk edicek mâ hüve’l-vâki‘ bi’t-taleb ketb olundu. Hurrire fî evâhiri C[umâdelâhire] li târihi’l-mezbûr. Şuhûdü’l-hâl: Yusuf b. Ramazan, Ali b. Abdullah, Mustafa b. Mehmed.