Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 260 Hüküm no: 295 Orijinal metin no: [44b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Avram v. Rafayel’in emlâk satışı için kardeşi Yahuda’yı vekil tayin etmesi Mahmiye-i Kostantıniyye mahallâtından Frenk mahallesi sâkinlerinden Avram v. Rafayel nâm yahudi meclis-i şer‘de işbu hâmil-i hâze’l-kitâb karındaşı Yahuda v. Rafayel nâm yahudi mahzarında ikrâr ve takrîr-i kelâm edip Havâss-ı Aliyye kazâsı müzâfâtından kasaba-i Silivri hısnı mahallâtından Yahudiler mahallesinde vâki‘ olup merkūm Yahuda ile ale’l-iştirâki’s-seviy silk-i mülk-i sahîhimizde münselik ve münharıt olup bir tarafdan İbrahim Bey b. ( ) mülküne ve bir tarafdan Kaytas b. Abdullah mülküne ve bir tarafdan Hasan b. ( ) mülküne ve bir tarafdan tarîk-i âma müntehî mülk menzilden ve yine kasaba-i merkūmede vâki‘ olup kezâlik ale’l-iştirâk silk-i mülk-i sahîhimizde münselik olan mahzenden nısf hisse-i şâyi‘amı bey‘a ve kabz-ı semene ve bana îsâle karındaşım merkūm Yahuda’yı tevkîl-i sahîh-i şer‘î ile tevkîl eyledim ol dahi vekâlet-i merkūmeyi kabûl eyledim dedikde mâ hüve’l-vâki‘ bi’t-taleb ketb olundu. Hurrire fî gurreti Recebi’l-ferd li seneti’l-mezbûre. Şuhûdü’l-hâl: Mustafa b. Mehmed, Ali b. Abdullah, Mosi v. Yasef, Mosi v. İlimoyi, Mosi v. ( ) ve gayruhüm.