Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 287 Hüküm no: 338 Orijinal metin no: [51b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kosta v. Kiryaki’nin tarlasının tasarruf hakkını Kondi v. Todori’ye satması Vilâyet-i Rumeli’nde Delvine kazâsına tâbi‘ Finik nâm karye sâkinlerinden Kosta v. Kiryaki nâm zimmî meclis-i şer‘de işbu hâmil-i hâze’l-kitâb Kondi v. Todori nâm zimmî mahzarında bi’t-tav‘ ve’r-rızâ ikrâr ve takrîr-i kelâm edip karye-i merkūme kurbunda vâki‘ bir tarafdan Komi v. Maşiko tarlasına ve bir tarafdan Yorgi v. Katali tarlasına ve bir tarafdan vâdiye ve bir tarafdan tarîk-i âma müntehî tahmînen diyârımız keyli ile iki keyl tohum istî‘âb eder mutasarrıf olduğum bir kıt‘a tarlanın hakk-ı tasarrufunu sâhib-i arz ma‘rifetiyle merkūm Kondi’ye tefvîz edip mukābele-i tefvîzde olan bin iki yüz nakid akçeyi merkūm Kondi yedinden ahz eyledim dedikde gıbbe’t-tasdîk ketb olundu. Hurrire fî 20 min Şa‘bâni’l-mu‘azzam li sene 1029. Şuhûdü’l-hâl: Yakub b. Kurd, Mustafa b. Mehmed, Ali b. Abdullah, Komi v. Yani, Kiryaki v. Papa, Yani v. İstati, Todori v. Kiryaki, Niko v. Papa, Köni v. Andriye, Yani v. İstati, diğer Yani v. İstati.