Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 294 Hüküm no: 349 Orijinal metin no: [53b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi v. ( )’nin Yani v. Dimo’dan ödünç aldığı ve borcuna karşılık üzüm bağını rehin bıraktığı Rumeli-i ma‘mûre vilâyetinden Yenişehir kazâsı müzâfâtından Cumane? nâhiyesi tevâbi‘inden Buskara karyesinde sâkin olan Yorgi v. ( ) nâm zimmî meclis-i şer‘-i şerîf ve mahfil-i dîn-i münîfde -el-masûn ani’t-tağyîr ve’t-tahrîf- hâzır olup üzerinde ve zimmetinde hâmil-i hâze’l-kitâb Yani v. Dimo nâm zimmîye râyicü’l-vakt bin altı yüz akçe-i Osmânî borcu bulunduğunu ikrâr ve i‘tirâf etti. Bunun bin beş yüz akçesi karz cihetinden ve bâkīsi olan yüz akçe rengi ve cinsi beynlerinde ma‘lûm müşterâ-yı makbûz çuka bahâsındandır. Arz dışındaki meblağ zeyilde mezkûr günden yirmi gün tamâmına müecceldir. Lâzımü’l-edâ ve vâcibü’l-kazâ deyndir. Karye-i mezbûrede vâki‘ hudûdu inde’l-ahâlî ve’l-cîrân ma‘lûm olan Taşlık mevzi‘inde kâin bağ beyn-i mezbûr mukābilinde cümle tevâbi‘ ve levâhıkı ve kâffe-i hukūku ve merâfıkı ile ve mezbûr bağın mahsûlü dâin-i mersûma âid olmak üzre rehn-i makbûzdur. Dâyin-i mezbûr, vâki‘ ikrârı vicâhen ve şifâhen tasdîk etti. Cerâ zâlike ve hurrire fi’l-yevmi’s-sâmin ve’l-ışrîn min Şa‘bâni’l-mu‘azzam sene tis‘a ve ışrîn ve elf. Şuhûdü’l-hâl: Mustafa b. Mehmed el-Muhzır, Ali b. Abdullah el-Muhzır, Perviz b. Abdullah el-Muhzır, Andriye [v.] Apostol, İstati [v.] Apostol, Opro v. Şimo, Şiro v. Tanaş, Butri Nikola ve gayruhüm