Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 185 Hüküm no: 156 Orijinal metin no: [20b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kerime bt. Yusuf’un, Yusuf b. Şaban’dan muhâlaa yoluyla boşandığı Mahmiye-i İstanbul’da Müftü Ali Çelebi mahallesinde sâkine Kerime bt. Yusuf nâm hâtun meclis-i şer‘-i hatîr-i lâzımü’t-tevkīrde zevci işbu râfi‘ü’l-kitâb Yusuf b. Şaban nâm kimesne mahzarında ikrâr ve takrîr-i kelâm edip zevcim mezbûr Yusuf zimmetinde mütekarrir ve ma‘kūdun-aleyh olan iki bin beş yüz akçe mehr-i müeccelim ve nafaka-i iddet-i ma‘lûmem üzerlerine ve me’ûnet-i süknâm dahi kendi üzerime olmak üzre zevcim mezbûr Yusuf ile muhâla‘a-i sahîha-i şer‘iyye ile muhâla‘a edip ol dahi hul‘-ı mezbûru kabûl ettikden sonra zevciyyete müte‘allika âmme-i de‘âvâdan her birimiz âharın zimmetini ibrâ-i âmm-ı kātı‘ü’n-nizâ‘ ile ibrâ ve iskāt eyledik dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâbi‘ min Cumâdelûlâ li sene seb‘a ve seb‘în ve elf. Şuhûdü’l-hâl: Şükrullah Bey b. Mustafa, İbrahim b. Mehmed, Mustafa b. , Mehmed b. Ramazan, Resul b. Rıdvan.