Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 185 Hüküm no: 157 Orijinal metin no: [21a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ramazan b. Ahmed’in, Yamandi v. Dimo’daki alacağını tahsil ettiği Mahmiye-i İstanbul’da Seferikoz mahallesi sükkânından Ramazan b. Ahmed nâm kimesne meclis-i şer‘-i şerîf-i lâzımü’t-teşrîfde işbu bâ‘isü’s-sifr Yamandi v. Dimo nâm zimmî muvâcehesinde ikrâr ve takrîr-i kelâm edip mezbûr Yamandi zimmetinde cihet-i karz-ı şer‘îden elli yedi kıt‘a esedî guruş hakkım olup meblağ-ı mezbûru merkūm Yamandi yedinden tamâmen ahz u kabz edip meblağ-ı mezbûr elli yedi kıt‘a esedî guruşdan merkūm Yamandi zimmetinde bir akçe ve bir habbe hakkım bâkī kalmadı dedikde gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sânî ve’l-ışrîn min Cumâdelûlâ li sene seb‘a ve seb‘în ve elf. Şuhûdü’l-hâl: Ali Beşe b. Ramazan, Şükrullah Bey b. Mustafa, Hasan Çelebi b. Ahmed, Abdi Çelebi b. Hüseyin.