Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 303 Hüküm no: 364 Orijinal metin no: [55b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Paroş v. Yorgi’nin ortağı Todori v. Yani’den alacağını alması Mahmiye-i Kostantıniyye -humiyet ani’l-âfât ve’l-beliyye- hısnı ebvâbından Ayakapı kurbunda vâki‘ mumhânede sâkin Paroş v. Yorgi nâm zimmî meclis-i şer‘-i hatîr-i lâzımü’t-tevkīrde işbu hâmil-i hâze’l-kitâb Todori v. Yani nâm zimmî mahzarında bi’t-tav‘ ikrâr edip bundan akdem mezbûr Todori ile mumculuk san‘atında şerîkler olup ba‘de külli hesâb mezbûr zimmetinde yirmi bin nakid akçe hakkım zuhûr edip hâlâ meblağ-ı mezbûr yirmi bin nakd-i fıddî-i Osmânî râyic fi’l-vakt akçeyi mezbûr Todori yedinden bi’t-tamâm ve’l-kemâl ahz ve kabz eyledim dedikde mukırr-ı mezbûrun minvâl-i muharrer üzre cârî olan ikrâr ve takrîrini el-mukarru lehü’l-mezbûr Todori vicâhen ve şifâhen tasdîk ve tahkīk edicek mâ hüve’l-vâki‘ gıbbe’l-ibtigā sebt olundu. Hurrire fî 10 min Ramazâni’l-mübârek li sene 1029. Şuhûdü’l-hâl: Polizoyi v. İstoyo, Panayot v. İstati, Rizo v. Dimitri, Apostol v. Yani, İskarlet v. Simo, Dimo v. Yani, Paroş v. Dimitri, Anderon v. İstiranik, Franko v. Todori, İskarlet v. Aleksandr ve gayruhüm mine’l-hâzırîn.