Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 304 Hüküm no: 365 Orijinal metin no: [56a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Angeli v. Yanaki’nin Hâtun Vakfı’na borçlu olduğu (…) Hâtun vakfı’na mütevellî olan fahrü’l-emâsil ve’l-akrân Mehmed Çavuş b. Mustafa nâm kimesne meclis-i şer‘-i hatîr-i lâzımü’t-tevkīrde Angeli v. Yanaki nâm zimmîyi ihzâr ve mahzarında takrîr-i da‘vâ edip vakf-ı mezbûr malından merkūm zimmetinde kırk bin ve murâbahadan on bin cem‘an elli bin nakid akçe vardır suâl olunup mezbûr zimmîden meblağ-ı mezbûr tahlîs olunmak matlûbumdur dedikde gıbbe’s-suâl mezbûr zimmî dahi minvâl-i muharrer üzre ikrâr ve i‘tirâf etmeğin mâ hüve’l-vâki‘ edâsına tenbîh birle mâ hüve’l-vâki‘ gıbbe’t-taleb ketb olundu. Hurrire fi’l-yevmi’s-sâbi‘ min Ramazâni’l-mübârek li târihi’l-mezbûr. Şuhûdü’l-hâl: El-Hâc Bayram Efendi b. Şükrullah el-Hatîb, İsa Halîfe b. Evhad, Mustafa b. Sevindik el-Müezzin, Ahmed b. İbrahim el-Kâtib, Receb Halîfe b. Abdi, Mehmed b. Mehmed el-Kayyım, Hasan b. Abdi, Mustafa b. Mehmed, Perviz b. Abdullah, Yusuf b. Abdullah.