Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 304 Hüküm no: 366 Orijinal metin no: [56a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Preşkova’nın Mora sancağı Gördös kasabasında ev alması Vilâyet-i Rumeli’nde Mora sancağında vâki‘ Gördös nâm kasaba dâhilinde Yukarıkapı demekle ma‘rûf mahalde vâki‘ bir tarafı Yorgaki v. Manol ve bir tarafı Andriye v. Lukişe ve bir tarafı Mihal v. Şiro ve bir tarafı tarîk-i âm ile mahdûd olan bir bâb fevkānî beyti ve havluyu müştemil olan mülk menzilimi bin iki yüz akçeye bey‘-i bât ile bey‘ edip kabz-ı semen-i merkūm etmişimdir ba‘de’l-yevm zikr olunan menzil merkūm Preşkova’nın mülk-i müşterâsıdır keyfe mâ yeşâ mutasarrıf olsun dedikde ketb olundu. Fî târihi’l-mezbûr. Şuhûdü’l-hâl: Dimo v. Nikola, Dimitri v. Andriye, Vasili v. Maroş, Andriye v. Nikola, Dimitri v. Kroni, İstati v. Kaze, Yani v. Papas ve gayruhüm.