Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 305 Hüküm no: 368 Orijinal metin no: [56a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Papahor’un çocukları Nişan ve Angeli’nin İskarlet v. Paroş’dan alacaklarını tahsil etmeleri Oldur ki Vilâyet-i Rumeli’nde İnebahtı sancağında Fener kazâsına tâbi‘ Duragondise nâm karye sâkinlerinden Nişan ve Angeli veledey Papahor nâm zimmîler meclis-i şer‘de yine kazâ-i mezbûra tâbi‘ Karoş nâm karye sükkânından İskarlet v. Paroş nâm zimmî muvâcehesinde her biri ikrâr ve takrîr-i kelâm edip mezbûr İskarlet’e târih-i kitâbdan üç yıl mukaddem karz-ı hasen dokuz bin akçe vermiş idik hâlâ meblağ-ı mezbûr dokuz bin akçeyi mezbûr İskarlet yedinden bi’t-tamâm ve’l-kemâl alıp ahz ve kabz edip zimmetini ibrâ-i âm ile ibrâ ve iskāt-ı tâm ile iskāt edip meblağ-ı mezbûr dokuz bin akçeden merkūm İskarlet zimmetinde bir akçe ve bir habbe hakkımız kalmamışdır ba‘de’l-yevm husûs-ı mezbûra müte‘allik bizden asâleten veya vekîlimizden vekâleten da‘vâ ve nizâ‘ sudûr ederse lede’l-hükkâm mesmû‘a olmaya dediği ketb olundu. Hurrire fî evâsıtı Ramazâni’l-mübârek li seneti’l-mezbûre. Şuhûdü’l-hâl: Yani v. Andriye an karyeti Duragondise, Anderoni v. Varoş, Yani v. Nikola, Paroş v. İstemad, Nikola v. Yorgi, Yani v. Dimo, Dimo v. Rizo, Anastaş v. Paroş.