Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 321 Hüküm no: 389 Orijinal metin no: [70b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Çoban Dimitri v. Koni’nin koyunlarını İstemad v. Mihal’e satması Çoban tâifesinden Dimitri v. Koni nâm zimmî meclis-i şer‘-i hatîr-i lâzımü’t-tevkīrde işbu râfi‘ü’l-kitâb İstemad v. Mihal nâm zimmî muvâcehesinde bi’t-tav‘ ve’r-rızâ ikrâr ve takrîr-i kelâm edip işbu akdin sudûruna değin silk-i mülk-i sahîhimde münselik dört yüz otuz re’s ma‘lûmü’l-aded koyunlarımı beher re’si doksanar akçe hesâbı üzre safka-i vâhide ile mesfûr İstemad’a bâtten bey‘ edip kabz-ı [semen] ve teslîm-i müsemmen kıldım ba‘de’l-yevm mârrü’l-aded dört yüz aded koyun mezbûr İstemad’ın mülk-i müşterâ-yı sarîhidir keyfe mâ yeşâ mutasarrıf olsun dedikde mukırr-ı mezbûrun vech-i mübeyyen üzre cârî olan ikrâr ve takrîrini el-mukarru lehü’l-mezbûr İstemad’ı bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ gıbbe’t-taleb ketb olundu. Hurrire fî 13 min Recebi’l-ferd li sene tis‘a ve ışrîn ve elf. Şuhûdü’l-hâl: Ali b. Abdullah, Mustafa b. Mehmed, Yusuf b. Abdullah, Perviz b. Abdullah, Mihal v. Todori, Rimo v. Yorgi, Yuvan v. ( ) Çoban, Yani Çoban, diğer Yani Çoban, Duka Çoban, Şiyor Çoban ve gayruhüm mine’l-hâzırîn.