Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 323 Hüküm no: 392 Orijinal metin no: [71a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Galata’nın Frenk mahallesi ahalisinin mahallede sakin dört kişiden şikayetçi olmadıkları Vilâyet-i Rumeli’nde Mora sancağında Mizistre kazâsına tâbi‘ Küçük Anastasva nâm karyeden olup hâlâ mahmiye-i Galata mahallâtından Frenk mahallesi sâkinlerinden Velisari v. Pendikör ve Göre v. Nikola ve Rifani v. Molodiyo ve Dimitri v. Kirminye ve Silorki v. Moliçe ve Yorgo v. Kimine ve Yani v. Moliçe nâm zimmîler meclis-i şer‘-i hatîr-i lâzımü’t-tevkīrde her biri sevk-i kelâm edip karyemiz sâkinlerinden Pavlo v. Riftovi ve Mihal v. Rindo ve Yani v. Moliçe ve Polihroni v. Riftovili nâm zimmîlerden ba‘zı kimesneler bizi müteşekkîdir deyû hasım ittihâz edip bizim haberimiz yoğiken hilâf-ı vâki‘ inhâ ile aleyhlerine müte‘allik emr ihrâc etmişler bu husûsda aslâ alâkamız yokdur ve mahallemiz bu dört nefer kimesnelerden râzı ve şükrân üzreyiz dediklerinde mâ hüve’l-vâki‘ hıfzan li’l-makāl ketb olundu. Hurrire fî evâili Recebi’l-ferd li sene tis‘a ve ışrîn ve elf. Şuhûdü’l-hâl: Pavlo v. Dimitri, Nikola v. Minho, Ali b. Abdullah, Mustafa b. Mehmed, Perviz b. Abdullah ve gayruhüm.