Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 324 Hüküm no: 394 Orijinal metin no: [71a-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ekmekçi el-Hâc Mehmed b. Osman’ın satın aldığı buğday bedelinden Rıdvan Beşe b. Abdullah’a borcu olduğu Ekmekçi el-Hâc Mehmed b. Osman nâm kimesne meclis-i şer‘-i şerîf ve mahfil-i dîn-i münîfde hâzır olup üzerinde ve zimmetinde hâmil-i hâze’l-kitâb Rıdvan Beşe b. Abdullah nâm kimesneye, mikdâr ve nev‘i beynlerinde ma‘lûm olan müşterâ-yı makbûz buğday bahâsından zeyilde mezkûr ayın gurresinden i‘tibâren şehri üç yüz akçe taksîtle ödemek üzre râyicü’l-vakt dokuz bin akçe-i Osmânî borcu olduğunu ikrâr ve i‘tirâf etti. Dâyin-i mezbûr, vâki‘ ikrârı vicâhen ve şifâhen tasdîk etti. ekmekçiler tâifesinden Halil b. Mehmed nâm kimesne îcâb ve kabûlü hâvî kefâletle meblağ-ı merkūma kefîl oldu. Cerâ zâlike ve hurrire fi’l-yevmi’s-sâmin aşer li târihi’l-mezbûr. Şuhûdü’l-hâl: Hüseyin b. Hasan el-Muhtesib, el-Hâc Mehmed b. Şehâdet, Ali b. Abdullah, Perviz b. Abdullah ve gayruhüm mine’l-hâzırîn.