Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 345 Hüküm no: 426 Orijinal metin no: [76b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kiro v. Dimo’nun bağ yerini Kini v. Dado’ya satması Vilâyet-i Rumeli’nde Avlonya sancağında Mazaraki kazâsına tâbi‘ Virsare? nâm karye sâkinlerinden Kiro v. Dimo nâm zimmî meclis-i şer‘-i hatîr-i lâzımü’t-tevkīrde işbu hâmil-i hâze’l-kitâb Kini v. Dado nâm zimmî mahzarında bi’t-tav‘ ikrâr edip karye-i merkūme kurbunda vâki‘ bir tarafdan Yusuf b. Abdullah mülküne ve bir tarafdan Kini v. Kiryaki mülküne ve bir tarafdan Kiro v. Pavri mülküne ve bir tarafdan vâdiye müntehî tahmînen üç dönüm bir kıt‘a harâbe bağ yerimi cümle-i tevâbi‘ ve levâhıkı ile merkū[m] Kini’ye dokuz yüz nakid akçeye bâtten bey‘ ve kabz-ı semen edip mebî‘-i mezkûru mahallinde kabza müşterî-i merkūmu taslît eyledim ba‘de’l-yevm sâlifü’l-beyân harâbe bağ yeri merkūm Kini’nin mülk-i müşterâ-yı sarîhidir keyfe mâ yeşâ ve yahtâr mutasarrıf olsun dedikde mukırr-ı mezbûrun ikrârını el-mukarru lehü’l-mezbûr Kini vicâhen ve şifâhen tasdîk ve tahkīk edicek mâ hüve’l-vâki‘ gıbbe’t-taleb ketb olundu. Şuhûdü’l-hâl: Kini v. Mafti, Yorgo v. Nika, Dado v. Mafti, Lapeşi v. Haça, Kika v. Vilate, Konidi v. Mafti, Doşeki v. Çali ve gayruhüm mine’l-hâzırîn.