Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 346 Hüküm no: 428 Orijinal metin no: [76b-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsmihân bt. Ahmed’in muhâlaa yoluyla boşandığı Mahmiye-i Osmânî mahallâtından Çırakçı mahallesinde sâkine olan İsmihân bt. Ahmed nâm hâtun kıbelinden âtiyyü’z-zikr hul‘ ve ibrâ ikrârına vekâleti imâm Hüsam Efendi b. Abdurrahman ve Mehmed b. Hüseyin nâm kimesnelerin şehâdetleri ile sâbit olan Mehmed b. Fethullah nâm kimesne meclis-i şer‘-i şerîf ve mahfil-i dîn-i münîfde hâzır olup oğlu İbrahim kıbelinden tasdîke vekâleti şâhidân-ı mezkûrânın şehâdetleri ile sâbit olan imâm Mustafa Efendi b. Ali mahzarında müvekkile-i mezbûresinin hâmil-i hâze’l-kitâb mezbûr İbrahim nâm zevci ile nikâhında ta‘ahhüd ettiği beş bin akçe-i Osmânî mehr-i müecceli ve beynlerinde ma‘lûm ve mu‘ayyen iddet nafakası ve İsmihân nâm sagīresinin nafakası mukābilinde muhâla‘a yaptığını ikrâr ve i‘tirâf etti. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mutâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Tasdîk hakkı sâhibince vâki‘ ikrâr vicâhen ve şifâhen tasdîk edildi. Cerâ zâlike ve hurrire fî 14 min Ramazâni’l-mübârek sene 1029. Şuhûdü’l-hâl: El-Hâc Muharrem b. Ali, Mustafa b. Hüdaverdi, Ömer b. Süleyman, İbrahim Çelebi b. Abdullah, Mustafa b. Ömer, el-Hâc Mahmud b. Ali, Ali Beşe b. Ahmed er-Râcil, Yusuf b. Abdullah ve gayruhüm mine’l-hâzırîn.