Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 347 Hüküm no: 430 Orijinal metin no: [77a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Dado v. Andriye’nin tarlasının tasarruf hakkını Kino v. İlya’ya devretmesi Vilâyet-i Rumeli’nde Delvine kazâsına tâbi‘ Kostanaya nâm karye sâkinlerinden Dado v. Andriye nâm zimmî meclis-i şer‘-i hatîr-i lâzımü’t-tevkīrde işbu hâmil-i hâze’l-kitâb Kino v. İlya nâm zimmî mahzarında bi’t-tav‘ ve’r-rızâ ikrâr ve takrîr-i kelâm edip karye-i merkūme kurbunda Mesabotanya nâm mevzi‘de vâki‘ bir tarafdan Dimo v. Kini tarlasına ve bir tarafdan Hardonyezi v. ( ) tarlasına ve bir tarafdan Toma v. ( ) tarlasına ve bir tarafdan tarîk-i âma müntehî ve mahdûd bir kıt‘a mutasarrıf olduğum tarlanın hakk-ı tasarrufunu sâhib-i arz ma‘rifetiyle tefvîz edip ol dahi minvâl-i muharrer üzre tefevvüz ve kabûl eyledikden sonra mukābele-i tefvîzde olan sekiz bin nakid akçeyi bi’t-tamâm ahz ve kabz eyledim dedikde gıbbe’t-tasdîk ketb olundu. Şuhûdü’l-hâl: Toma v. Dimo, Dimo v. Sama, Niko v. Şavino, Tanaş v. Papas, Kiryaki v. İlya, Aydın v. Andriye, Like v. Dimo.