Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 348 Hüküm no: 432 Orijinal metin no: [77a-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed Beşe b. Yusuf’un evini istiğlâl yoluyla Abdülkâdir Efendi Vakfı’na sattığı Medîne-i Hazret-i Ebâ Eyyûb el-Ensârî -radiye anhu Rabbühü’l-Bârî- mahallâtından Takyecibaşı mahallesinde sâkin olan Ahmed Beşe b. Yusuf meclis-i şer‘-i şerîfde âtiyyü’z-zikr menzilini merhûm Abdülkādir Efendi vakfı’na mütevellî olan hâmil-i hâze’l-kitâb Hasan Halîfe b. İbrahim’e bey‘ ettiğini ikrâr ve i‘tirâf etti. Mütevellî-i mezbûr da vakf-ı mezbûr malıyla ve istiğlâl maksadıyla merkūm Ahmed Beşe’nin işbu akdin kendilerinden sudûruna kadar sâhibi ve mâliki olduğu elinde ve taht-ı tasarrufunda bulundurduğu mahalle-i mezbûrede kâin, bir tarafdan çilingir Keyvan b. Abdullah mülkü, diğer tarafdan Mehmed Çelebi b. Mahmud mülkü, öbür tarafdan Alime Hâtun mülkü ve diğer tarafdan da tarîk-i âm ile mahdûd menzilini cümle tevâbi‘ ve levâhıkı ile râyicü’l-vakt yedi bin akçe-i Osmânî semen-i mu‘ayyen-i makbûz ile iştirâ etti. Bâyi‘-i mezbûrun menzil-i merkūmu kirâlamak istemesi üzerine müşterî-yi mezbûr ba‘de’t-tahliyye ve’t-tekābuz, zeyl-i kitâbda mezkûr târihden i‘tibâren bir sene tamâmına sekiz yüz yetmiş beş akçe ücret-i kirâ mukābilinde menzil-i merkūmu icâreye verdi. Cerâ zâlike ve hurrire fî gurreti Ramazân li seneti’l-mezbûre. Şuhûdü’l-hâl: Şaban b. Yusuf, Ali b. Abdullah, Yakub b. Kurd, Mustafa b. Ali