Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 361 Hüküm no: 456 Orijinal metin no: [79b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Süleyman Beşe b. Sinan’ın Hasan b. Ahmed’deki alacağını almak üzre Ali Beşe b. Oruc’a vekâlet vermesi Zümre-i yeniçeriyândan Süleyman Beşe b. Sinan meclis-i şer‘de işbu hâmil-i hâze’l-kitâb Ali Beşe b. Oruc nâm râcil mahzarında bi’t-tav‘ ikrâr edip bundan akdem mezbûr Ali Beşe’den karz[en] bin akçe alıp vilâyet-i Rumeli’nde Ohri sancağında İstarova kazâsına tâbi‘ Kerbiçe nâm karye sâkinlerinden Hasan b. Ahmed nâm kimesneye verdim idi hâlâ meblağ-ı mezbûru merkūm Hasan’dan da‘vâ ve taleb ve ahz ve kabz etmeğe, yine mezbûr Ali Beşe’yi tevkîl-i şer‘î ile vekîl ve menâbıma nâib nasb ve ta‘yîn eyledim dedikde mukırr-ı mezbûrun minvâl-i muharrer üzre cârî olan ikrâr ve takrîrini el-mukarru lehü’l-mezbûr Ali Beşe bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ gıbbe’t-taleb ketb olundu. Hurrire fî 7 min Şevvâli’l-mükerrem li târihi’l-mezbûr. Şuhûdü’l-hâl: Mehmed Beşe b. Abdullah er-Râcil, Usta Pervâne b. Abdullah, Mehmed b. Hasan Şerbetçi, Kasım Bey b. ( ) Kethüdâ-yı şerbetçiyân.