Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 368 Hüküm no: 468 Orijinal metin no: [81b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Aya Yorgi köyü cizye defteri Sûret-i defter-i cizye-i gebrân-ı karye-i Aya Yorgi tâbi‘-i defter-i vilâyet-i hâshâ-i İstanbul an Receb sene 1028. Vasil 30 Panat 30 Dimo 30 Nikola 30 Mihal 30 Kosta 30 Panayot 30 Minho 30 Dimo 30 Mihal 30 Dahi Manol [30] Panat 30 Panat 30 Yanko 30 Kasandır 30 Dimitri 30 İmrati Andriye [30] Andriye 30 Panat 30 Palu 30 Şiyo 30 İstemad 30 Nikola 30 İstemad 30 Yuvan 30 Dimo 60 Şiyo? 40 Dimitri 60 Şiyer 40 Dimitri 30 Piyâle 30 Yanko 60 Şiyo? 40 Hâne 35 Yalnız otuz beş hânedir. Karye-i mezbûre ahâlîsi bin yirmi yedi büdcesine mahsûb olıcak cizyelerin kırk yedi hâne üzre edâ edip ve bin yirmi sekiz mevâcibine mahsûb olıcak cizyeleri otuz beş hâne üzre edâ edeler deyû fermân olmağın şerh verildi. Fî gurreti Receb sene 1028. [İmzâ] el-fakīr Abdülbâkī. Akzâ kuzâti’l-müslimîn evlâ vülâti’l-muvahhidîn ma‘denü’l-fazli ve’l-yakīn vârisü ulûmi’l-enbiyâ’i ve’l-mürselîn hüccetü’l-hakkı ale’l-halkı ecma‘în el-muhtas bi mezîdi inâyeti’l-meliki’l-Mu‘în mevlânâ Hâslar kadısı -zîdet fezâilühû- tevkī‘-i refî‘-i hümâyûn vâsıl olıcak ma‘lûm ola ki vilâyet-i Hâshâ-i İstanbul defterine tâbi‘ Aya Yorgi nâm karye keferesi hâlâ Dersa‘âdet’ime âdem gönderip karye-i mezbûrenin kırk yedi cizyesi hânesi olup lâkin ziyâde fakīr olduğumuz ecilden cizyemizi ol mikdâr hâneden edâya tahammülümüz yokdur deyû ahvâlimizi i‘lâm eylediğimizde bin yirmi yedi târihinde ol mikdâr hâneden ve bin yirmi sekiz senesinde otuz beş hâneden alına deyû elimize nişanlı ve mühürlü sûret-i defter verilmişdir deyû bildirip mûcebince amel olunmak bâbında emr-i şerîfim recâ etmeğin buyurdum ki hükm-i şerîfim vardıkda bu bâbda Hazîne-i âmiremden ihrâc olunmuş nişanlı ve mühürlü sahîh ve cedîd sûret-i deftere nazar edip tamâm-ı ma‘lûm ettikden sonra bunların vâki‘ olan cizyelerin tuğrâlı defter mûcebince aldırıp min ba‘d hilâf-ı emr ve defter ziyâde aldırmayasız şöyle bilesiz alâmet-i şerîfe i‘timâd kılasız. Tahrîren fi’l-yevmi’s-sâlis [min] şehri Rebî‘ilâhir min şühûr sene semân ve ışrîn ve elf. Be makām-ı Kostantıniyye el-mahrûse. Vasale ileynâ fî 25 min Şevvâli’l-mükerrem li sene tis‘a ve ışrîn ve elf.