Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 369 Hüküm no: 469 Orijinal metin no: [81b-3, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ümmi Hâtun bt. Hamza’nın muhâlaa yoluyla boşandığı Medîne-i Ebâ Eyyûb el-Ensârî -radiye anhu Rabbühü’l-Bârî- mahallâtından Câmi‘-i Kebîr mahallesinde sâkine olan Ümmî Hâtun bt. Hamza nâm hâtun meclis-i şerî‘at-ı şerîfe-i garrâ ve mahfil-i tarîkat-i refî‘at-i zehrâda hâmil-i hâze’l-kitâb cündî Hidâyet Bey b. Musli nâm zevci ile muhâla‘a yaptı. Zevc-i mezbûr, nikâhda ta‘ahhüd ettiği râyicü’l-vakt dört bin akçe-i Osmânî mehr-i müeccel ve aralarında ma‘lûm ve mu‘ayyen olan iddet nafakası mukābilinde muhâla‘a yaptı. Zevce-i mezbûre bu sûretle yeni bir nikâh yapılmadan ve mehir ödenmeden helâl olmayacak şekilde zevc-i merkūmundan ayrılmış oldu. Sonra her biri cemî‘-i de‘âvî, mutâlebât, eymân ve muhâsamâtdan umûmen, zevciyyetle alâkalı da‘vâdan husûsen yek diğerinin zimmetini ibrâ-i âm ile husûmet ve nizâ‘ı bertaraf edecek şekilde ibrâ etti. Cerâ zâlike ve hurrire fi’l-yevmi’s-sâmin aşer min Zilhicceti’ş-şerîfe min şühûri sene tis‘a ve ışrîn ve elf. Şuhûdü’l-hâl: Bayram Efendi b. Şükrullah el-Hatîb, Mehmed Çelebi b. Mustafa, Perviz b. Abdullah