Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 371 Hüküm no: 472 Orijinal metin no: [82a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yani v. Franko’nun yurt ve bostan yerini Mihal v. Franko’ya satması Vilâyet-i Rumeli’nde İnebahtı sancağında nefs-i kasaba-i Gerbeniş mahallâtından Cimri mahallesi sâkinlerinden Yani v. Franko nâm zimmî meclis-i şer‘-i hatîr-i lâzımü’t-tevkīrde işbu hâmil-i hâze’l-kitâb Mihal v. Franko nâm zimmî mahzarında ikrâr edip mahalle-i mezbûrede vâki‘ bir tarafdan Kapsi v. Franko mülküne ve bir tarafdan Yorgo v. Yani mülküne ve bir tarafdan tarîk-i âma müntehî bir kıt‘a harâbe yurd yerimi ve yine kasaba-i merkūme sınırı dâhilinde vâki‘ bir tarafdan Yani Domoni mülküne ve bir tarafdan Yorgi v. Kakocek mülküne ve bir tarafdan müşterî-i mezbûr mülküne ve bir tarafdan tarîk-i âma müntehî bir kıt‘a mülk bostan yerimi cümle-i tevâbi‘ ve levâhıkı ile bi safkatin vâhidetin mezbûr Mihal’e bin nakd-i fıddî-i Osmânî râyic fi’l-vakt akçeye bâtten bey‘ ve kabz-ı semen edip mebî‘ân-ı mezkûrânı mahallinde kabza müşterî-i merkūmu taslît eyledim dedikde gıbbe’t-tasdîk ketb olundu. Hurrire fî selhi Şevvâli’l-mükerrem li sene tis‘a ve ışrîn ve elf. Şuhûdü’l-hâl: Osman b. Ali, Mehmed b. Abdullah, Diğer Mehmed b. Abdullah, Franko v. Yorgi, Komyani v. İstati, Mihal v. Yani, Yani v. Tanaş, Dimo v. Franko ve gayruhüm mine’l-hâzırîn.