Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 371 Hüküm no: 473 Orijinal metin no: [82a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mihal v. Rizo’nun bağını Yani v. Petriye’ye satması Vilâyet-i Rumeli’nde Mora sancağında nefs-i kasaba-i Trapoliçe mahallâtından Taşlımahalle sâkinlerinden Mihal v. Rizo nâm zimmî meclis-i şer‘de işbu hâmil-i hâze’l-kitâb Yani v. Petriye nâm zimmî mahzarında ikrâr edip kasaba-i merkūme bağları dâhilinde vâki‘ bir tarafdan Apostol v. Podemi bağına ve bir tarafdan İspilyot v. Stefkolo bağına ve bir tarafdan Harilyo v. Kiryaki bağına ve bir tarafdan Yani v. Minyan bağına müntehî bir kıt‘a mülk bağımı cümle-i tevâbi‘ ve levâhıkı ile mezbûr Yani’ye sekiz bin nakd-i fıddî-i Osmânî râyic fi’l-vakt akçeye bâtten bey‘ ve kabz-ı semen edip mebî‘-i mezkûru mahallinde kabza müşterî-i merkūmu taslît eyledim ba‘de’l-yevm sâlifü’l-beyân bağ-ı mezbûr Yani’nin mülk-i müşterâ-yı sarîhidir dedikde gıbbe’t-tasdîk ketb olundu. Li-târihi’l-mezbûr. Şuhûdü’l-hâl: Mustafa b. Mehmed, Yakub b. Kurd, Perviz b. Abdullah, Lika v. Kara, Papa v. Yako, Kiryako v. Mincalot, Dimitri v. Meşit ve gayruhüm.