Bab Mahkemesi 3 Numaralı Sicil (H. 1077 / M. 1666 - 1667) cilt: 17, sayfa: 192 Hüküm no: 168 Orijinal metin no: [22a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen el-Hâc Süleyman b. Yusuf’un Siyavuş b. Abdullah’taki alacağının tahsil edilip vârislerine verilmesi Mahmiye-i İstanbul’da Haydarhâne mahallesinde sâkin iken bundan akdem vefât eden el-Hâc Süleyman b. Yusuf nâm kimesnenin verâseti zevce-i metrûkesi Âişe bt. Hızır nâm hâtun ile li ebeveyn karındaşı Receb b. Yusuf nâm kimesneye münhasıra olduğu şer‘an zâhir ve mütehakkik oldukdan sonra merkūm Receb asâleten ve mezbûre Âişe Hâtun tarafından husûs-ı câi’z-zikre sâbitü’l-vekâle vekîli olan Mustafa Çelebi b. ( ) nâm kimesne vekâleten meclis-i şer‘-i hatîr-i lâzımü’t-tevkīrde Siyavuş b. Abdullah nâm kimesne mahzarında her biri üzerine da‘vâ ve takrîr-i kelâm edip müteveffâ-yı mezbûr el-Hâc Süleyman’ın yedinden müşterâ ve makbûz velense bahâsından mezbûr Siyavuş zimmetinde hakkı olan yüz yetmiş esedî guruşu kable’l-edâ vefât edip meblağ-ı mezbûr, mezbûr Siyavuş zimmetinde kalmağın suâl olunup meblağ-ı mezbûrun mezbûr Siyavuş’dan alıverilmesi matlûbumuzdur dediklerinde gıbbe’s-suâl [22b] mezbûr Siyavuş kaziyye minvâl-i muharrer üzre olup müteveffâ-yı mezbûr el-Hâc Süleyman’ın cihet-i mezbûrdan zimmetinde vâcibü’l-edâ yüz yetmiş esedî guruş hakkı olduğunu bi tav‘ihî ikrâr ve i‘tirâf etmeğin mûcebince meblağ-ı mezbûru müdde‘iyân-ı mezbûrâna edâ ve teslîme mezbûr Siyavuş’a tenbîh birle mâ vaka‘a bi’t-taleb ketb olundu. Fi’l-yevmi’l-ışrîn min Cemâziyelevvel li sene seb‘a ve seb‘în ve elf. Şuhûdü’l-hâl: Receb Beşe b. Osman el-Mübâşir, Şükrullah Bey b. Mustafa, Mustafa Çelebi b. ( ), Mehmed b. Ramazan.