Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 408 Hüküm no: 537 Orijinal metin no: [90a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Savadi bt. Apostol’ün menzil ve bağ davası için Pîrî Bey b. Abdullah’a vekâlet verdiği Havâss-ı Aliyye kazâsı müzâfâtından Kurfa nâm karye sâkinelerinden Savadi bt. Apostol nâm nasrâniye meclis-i şer‘-i hatîr-i lâzımü’t-tevkīrde işbu hâmil-i hâze’l-kitâb Pîrî Bey b. Abdullah nâm râcil mahzarında ikrâr ve takrîr-i kelâm edip karye-i mezbûrede vâki‘ lede’l-ahâlî ve’l-cîrân ma‘lûmü’l-hudûd menzilime ve bağıma müte‘allik Yani v. Kara Kosta nâm zimmî ile olan da‘vâmıza mezbûr Pîrî Bey’i vekîl ve menâbıma nâib nasb ve ta‘yîn eyledim dedikde merkūm Pîrî Bey dahi bi’l-muvâcehe vekâleten merkūmeyi kabûl ve hizmet-i lâzımesini edâya müte‘ahhid oldukdan sonra mâ hüve’l-vâki‘ gıbbe’t-taleb ketb olundu. Hurrire fi’l-yevmi’l-hâmis aşer li târihi’l-mezbûr. Şuhûdü’l-hâl: Mustafa b. Mehmed, Ali b. Abdullah, Perviz b. Abdullah, Yakub b. Kurd, Yusuf b. Abdullah ve gayruhüm mine’l-hâzırîn.