Eyüb Mahkemesi (Havass-ı Refia) 19 Numaralı Sicil (H. 1028 - 1030 / M. 1619 - 1620) cilt: 24, sayfa: 409 Hüküm no: 539 Orijinal metin no: [90a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sinan b. Ahmed’in harman yerini Kiroş v. Kini’ye satması Vilâyet-i Rumeli’nde Avlonya sancağında Ergirikasrı kazâsına tâbi‘ Karık nâm karye sâkinlerinden Sinan b. Ahmed nâm kimesne meclis-i şer‘de hâmilü’l-kitâb Kiroş v. Kini mahzarında ikrâr edip karye-i merkūmede vâki‘ bir tarafdan Hasan b. Abdullah mülküne ve bir tarafdan yine benim harmanıma ve bir tarafdan vâdiye ve bir tarafdan tarîk-i âma müntehî bir kıt‘a mülk harman yerimi cümle-i tevâbi‘ ve levâhıkı ile müşterî-i mezbûr Kiroş’a sekiz yüz akçeye bâtten bey‘ ve kabz-ı semen edip mebî‘-i mezkûru mahallinde kabza müşterî-i merkūmu taslît eyledim ba‘de’l-yevm sâlifü’l-beyân harman yeri merkūm Kiroş’un mülk-i müşterâ-yı sarîhidir dedikde gıbbe’t-tasdîk ketb olundu. Hurrire fi’l-yevmi’l-âşir min Zilka‘deti’ş-şerîfe li târihi’l-mezbûr. Şuhûdü’l-hâl: Hasan Beşe b. Mustafa, Ali b. Mehmed, Mustafa b. Mehmed, Ali b. Abdullah, Perviz b. Abdullah ve gayruhüm mine’l-hâzırîn.